ТАҶЛИЛИ РӮЗИ ВАҲДАТИ МИЛЛӢ ДАР НОҲИЯИ ФАЙЗОБОД
Чанде пеш дар Ҷамоати шаҳраки “30 – солагии Истиқлол”- и ноҳияи Файзобод, таҷлили 25-умин согарди Рӯзи Ваҳдати миллӣ бо як шукуҳу шаҳомати хоса ҷашн гирифта шуд.Дар чорабинии маскур намояндаҳо аз Ҳукумати Ҷумҳурии Тоҷикистон, вакили Маҷлиси намояндагони Маҷлиси Олии Ҷумҳурии Тоҷикистон, раиси ноҳия сардорони сохторҳои қудратӣ, муовинони раиси ноҳия, роҳбари дастгоҳи раиси ноҳия, мудирони шуъба ва бахшҳои дастгоҳи раиси ноҳия, роҳбарони ташкилоту муассисаҳо, соҳибкорон, аҳли ҷамоатчигӣ ва дигар сокинони ноҳия иштирок доштанд.
Сараввал меҳмонон аз иншоотҳое, ки ба муносибати Ҷашни 35- солагии Истиқлолияти давлатии Ҷумҳурии Тоҷикистон бунёд мешаванд, дидан намуданд. Аз ҷумла, дар маркази ноҳия, азнавсозии бинои комиссариати ҳарбии ноҳия, сохтмони бинои Кумитаи иҷроияи ҲХДТ дар ноҳияи Файзобод, инчунин, бунёди бинон Дидбонгоҳи тобеи ҚМ-62 ҲХДО-и ноҳия ва азнавсозии Ҷамоати шаҳраки “30 – солагии Истиқлол” дар деҳаи Мискинобод.
Маврид ба зикр хос аст, ки ба муносибати Ҷашни 35- солагии Истиқлолияти давлатӣ ва дар сатҳи баланд истиқбол намудани он азни замон дар ноҳия бунёду азнавсозии 35 иншооти гуногунсамт ба нақша гирифта шудааст.
Баъдан меҳмонон аз намоиши ҳунарҳои мардумӣ кишоварзии ноҳия дидан карданд.
Сипас маросими тантанавӣ бахшида ба Ҷашни ваҳдати миллӣ дар меҳмонхонаи “Сиёвуш” оғоз ёфта, раиси ноҳия муҳтарам Бобишо Холзода, дар баромади хеш тамоми мардуми кишвар ва сокинони ноҳияро бо муносибати ин рӯзи таърихи табрику муборакбод намуд. Ҳамчунин, раиси ноҳия зикр карданд, ки имрӯзҳо мардуми шарафманди тоҷик дар тамоми гӯшаву канори Ватани азизамон биступанҷумин солгарди Рӯзи ваҳдати миллиро дар фазои сулҳу суботи комил ва руҳияи баланди ватандӯстию ифтихори миллӣ бо шукуҳу шаҳомати хоса таҷлил намуда истоданд.
Барои расидан ба сулҳу оштӣ ва ин рӯзи мубораку фархунда халқи тоҷик аз имтиҳони бисёр сахту сангини таърих гузашта, ба шарофати хиради азалии худ ва дурандешию таҳамулпазирии Сарвари хеш Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мухолифати мусаллаҳона ва ҷанги таҳмилии шаҳрвандӣ хотима бахшид ва ба аҳли башар исбот намуд, ки метавонад таҳти парчами ваҳдату ҳамдигарфаҳмӣ сарҷамъ гардида, дар фазои сулҳу субот умр ба сар бурда, сарзамини аҷдодии хешро бо азму талоши ватандӯстона ободу зебо гардонад.
Инчунин, дар идомаи ҷорабини Файзулло Наҷмиддиён вакили Маҷлиси намояндагони Маҷлиси Олии Ҷумҳурии Тоҷикистон баромад карда, сокинони сарбаланди ноҳияро бо муносибати 25-умин согарди Рӯзи Ваҳдати миллӣ табрик гуфтанд.
Ҳамчунин, дар рафти ҷорабини ба 30 нафар хонандагони болаёқат, стипендияи раиси ноҳия дода шуд. Дар охир идомаи чорабинӣ аз тарафи бахши фарҳанги ноҳия ва сарояндаҳои ҷумҳурӣ барномаи рангини консертӣ баргузор гардида, ба чорабинӣ шаҳомати дигар бахшид.
Татбиқи имтиёзҳои андозӣ ба рушди ҳунарҳои мардумӣ барои ба бозорҳои ҷаҳонӣ баровардани маҳсулоти дастии ҳунармандон замина мугузорад.