ВОХӮРИИ НАМОЯНДАИ ҲУКУМАТИ ҶУМҲУРИИ ТОҶИКИСТОН БО СОКИНОНИ НОҲИЯИ ФАЙЗОБОД
Бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷлиси Ҳукумати Ҷумҳурии Тоҷикистон намояндагони Ҳукумати Ҷумҳурии Тоҷикистон ва Дастгоҳи иҷроияи Президенти Ҷумҳурии Тоҷикистон, ки бо Амри Президети Ҷумҳурии Тоҷикистон аз 30 –юми марти соли 2022 таҳти № АП-174 ба вилоятҳо ва шаҳру ноҳияҳо вобаста шудаанд, аз 2 то 10 апрели соли ҷорӣ ба шаҳру ноҳияҳо сафарбар гардиданд.Имрӯзҳо бо иштироки намояндаи Ҳукумати Ҷумҳурии Тоҷикистон, раиси Комиссияи марказии интихобот ва раъйпурсии Ҷумҳурии Тоҷикистон муҳтарам Бахтиëр Худоëрзода, раиси ноҳия муҳтарам Бобишо Холзода ва дигар сохторҳо дар ҷамоатҳои шаҳраку деҳоти ноҳияи Файзобод суҳбату мулоқотҳо баргузор гардида истодааст.
Бояд гуфт, ки имрӯз дар Ҷамоати деҳоти Дӯстмурод Алиев, вохӯри доир гардид, дар мулоқот раиси ноҳия масъалаи корҳои ободониву созандагӣ ба истиқболи Ҷашни 35-солагии Истиқлоли давлатӣ мавриди баррасӣ қарор дода таъкид намуд, ки бо мақсади дар сатҳи баланд таҷлил намудани ин ҷашни фархунда иншиоотҳои истеҳсолии хусусияти саноати дошта дар ҳудуди ноҳия дастгири карда шаванд.
Ҳамзамон, доир ба нуктаҳои асосии Паёми Президенти кишвар, даъвати ҷавонон ба хизмати ҳарбӣ ва анҷом додани корҳои таблиғотию ташвиқотӣ дар ин самт, истифодаи самараноки қитъаҳои замини наздиҳавлигӣ ва рӯёнидани ду ҳосил, инчунин, баланд бардоштани ҳосилнокии заминҳо кишти зироатҳо, вазъи муассисаҳои маориф ва тандурустӣ дар деҳот, таъминоти онҳо бо лавозимоти хониш, корҳои ободонию созандагӣ, сатҳу сифати иншооти бунёдшаванда, пардохти саривақтии андозҳо ва дигар масъалаҳои марбут ба соҳаи кишоварзӣ ва иҷтимоӣ суҳбат намуда.
Намояндаи Ҳукумати Ҷумҳурии Тоҷикистон зимни суханрониашон ба аҳолӣ таъкид намуд, ки истифодаи сарфакоронаи неруи барқ, сатҳи ҷинояткорию қонуншикани миëни ҷавонон пешгири карда шуда, сифати таҳсилот, интизом ва тарбияи дурусти ҷавонон дар руҳияи ватандӯстию хештаншиносӣ зиëдтар эътибор дода шавад.
Маврид ба ёдоварист, ки намояндаи Ҳукумати Ҷумҳурии Тоҷикистон давоми 10 рӯз дар ноҳия, ҷиҳати бурдани корҳои фаҳмондадиҳи бо мардум вохӯрию мулоқот доир намуда, баҳри вусъат бахшидан ба корҳои саҳроӣ, бахусус, кишти зироатҳои барвақтӣ, корҳои ободонӣ, бунёдкорӣ, истифодаи самаранокии ҳар як ваҷаб заминҳои кишт, махусусан, заминҳои наздиҳавлигӣ ва ёрирасон (Президентӣ) бо сокинон корбарӣ менамоянд.
Сокинони ноҳия бо боварӣ иброз доштанд, ки иҷрои дастуру супоришҳои Роҳбари давлатро сармашқи кору пайкори зиндагии худ қарор дода, самаранок истифода намудан, ва гирифтани 1-2 ҳосил аз заминҳои наздиҳавлигӣ, ёрирасон ва хоҷагии деҳқонӣ барои эҳтиёҷоти оилаҳои худ ва дар ғанӣ гардонидани бозори истеъмолӣ саҳмгузор бошанд.
Татбиқи имтиёзҳои андозӣ ба рушди ҳунарҳои мардумӣ барои ба бозорҳои ҷаҳонӣ баровардани маҳсулоти дастии ҳунармандон замина мугузорад.