Дар ноҳия аксияи «Тозагии шоҳроҳ» гузаронида шуд
Бо мақсади тозаву озода нигоҳ доштани муҳити зист, баланд бардоштани сатҳи маърифати экологии сокинони дар ноҳия аксияи «Тозагии шоҳроҳ» баргузор гардид. Дар он намояндагони бахши ҳифзи муҳити зисти ноҳия, муассисаҳои маориф, фарҳанг, тандурустӣ, мактаби варзишӣ ва дигар сохторҳои маҳаллӣ фаъолона иштирок намуданд. Дар доираи аксияи тозагии атрофи шоҳро ва корхонаву муассисаҳо ва мавзеъҳои истироҳатӣ пурра тоза карда шуданд.
Гузаронидани чунин аксияҳои тозагиву ободонӣ баҳри баланд бардоштани тарбия ва маърифати экологӣ дар дигар минтақаҳои ноҳияи Файзобод низ мунтазам амалӣ мегардад.
Дар аксияҳои «Тозагии шоҳро» ду тарафи ҷӯйборҳо аз ҳар гуна партовҳо тоза гардида, инчунин атрофи гулҳои мавсимӣ нарм карда шуданд.
Ҳамзамон, масъулин баён доштанд, ки бо ҷалби васеи кормандони ниҳодҳои мақомоти маҳаллӣ ва иштироки фаъолонаи сокинони ҷамоату маҳаллаҳо аксияву шанбегиҳо доир мегарданд, ки барои тозаву обод намудани муҳити атроф ва беҳбудӣ бахшидан ба вазъи экологӣ мусоидат менамоянд.
Татбиқи имтиёзҳои андозӣ ба рушди ҳунарҳои мардумӣ барои ба бозорҳои ҷаҳонӣ баровардани маҳсулоти дастии ҳунармандон замина мугузорад.