ҶАЛАСАИ ВАСЕИ СИТОДИ НОҲИЯВӢ ОИД БА ДАЪВАТИ БАҲОРИИ ҶАВОНПИСАРОН
Санаи 29-уми феврали соли ҷорӣ дар толори Мақомоти иҷроияи ҳокимияти давлатии ноҳия таҳти раёсати ичрокунандаи вазифаи раиси ноҳияи Файзобод Мансур Каримзода, ҷаласаи ситоди ноҳиявӣ оид ба даъвати ҷавонони синни даъват ба сафи Қувваҳои Мусаллаҳ ва зодмандони онҳо доир гардид.Дар кори ситод муовинони раис, роҳбарони мақомотҳои ҳифзи ҳуқуқ, воҳидҳои сохторӣ, ташкилоту муассисаҳо, раисони Ҷамоатҳои шаҳраку деҳот, кумитаҳои маҳалла, масъулини мақомоти маҳаллӣ ва дигар шахсони дахлдор иштирок ва баромад карданд.
Зимни баргузории ҷаласаи ситоди ноҳиявӣ оид ба даъвати баҳорӣ нахуст ив раиси ноҳия Мансур Каримзода баромад намуда, миннадории худро ба зодмандони ҷавонони синни даъват расониданд.
Ҳамзамон, зимни баромади ив раиси ноҳия таваҷҷуҳи асосӣ ба ҷараёни иҷрои нақшаи даъвати баҳорӣ ба сафи Қувваҳои Мусаллаҳи Ҷумҳурии Тоҷикистон нигаронида шуд ва аз аъзои комиссияи ноҳиявӣ, роҳбарияти комиссариати ҳарбӣ, раисони Ҷамоатҳои деҳот, кумитаҳои маҳаллӣ ва кормандони масъули Мақомоти иҷроияи ҳокимияти давлатӣ тақвияти кор ва таъмини иҷрои саривақтии нақшаи даъват ҷиддӣ талаб карда шуда ва ба масъулини сохторҳои марбута дар муҳлатҳои муайяншуда ҷамъбаст намудани нақшаи даъвати баҳорӣ супоришҳои мушаххас доданд
Инчунин, дар кори нишаст Миралӣ Хусрав Амиршо прокрори ноҳия ва Маҳмадсафар Пирзода, сардори шуъбаи милитсия дар ноҳия вобаста ба даъвати ҷавонон ба хизмати ҳарбӣ баромад карданд.
Зикр шуд, ки бо талошҳои пайвастаи Асосгузори сулҳу ваҳдати миллӣ – Пешвои миллат, Сарфармондеҳи Олии Қувваҳои Мусаллаҳ муҳтарам Эмомалӣ Раҳмон барои фаъолияти рӯзмарраи хизматчиён дар қисмҳои ҳарбӣ шароити зарурии маишиву моддӣ муҳайё шуда, дар ҳамаи воҳидҳои низомӣ имрӯз афсарони касбии ботаҷриба ҷиҳати баланд бардоштани малакаи ҳарбиву ҷисмонии ҷавонон, тарбияи онҳо дар рӯҳияи ватандӯстӣ, садоқат ба марзу бум фаъолияти босамар менамоянд.
Гуфта шуд, ки хизмат кардан ба Ватан – Модар бояд барои ҳар яки ҷавонписар ифтихору шараф бошад. Ватанро мисли модари хеш дӯст доштан ва мисли гавҳараки чашм онро эҳтиёт намудан қарзи ҳар кадом аз фарзандони миллат аст. Ватан муқаддастарин ганҷи ҳастӣ ва истиқлол неъмати бебаҳои миллат аст. Хизмат дар сафи Артиши миллӣ барои ҷавонон мактаби ҳаёт, мактаби ҷасорату мардонагӣ мебошад. Онҳо маҳз дар давраи хизмат имкон доранд, ки моҳияти мафҳуми Ватан, давлат ва миллати худро ба хубӣ дарк карда, сабақи далериву шуҷоат ва садоқат омӯзанд.
Татбиқи имтиёзҳои андозӣ ба рушди ҳунарҳои мардумӣ барои ба бозорҳои ҷаҳонӣ баровардани маҳсулоти дастии ҳунармандон замина мугузорад.