«НАҚШИ КОНСТИТСИЯ ДАР ПЕШРАФТИ ҶОМЕА ВА БАЛАНД БАРДОШТАНИ МАЪРИФАТИ ҲУҚУҚИИ ШАРВАНДОН”
Зери чунин унвони имрӯз бо ташаббуси Мақомоти иҷроияи ҳокимияти давлатии ноҳия дар толори Филармонияи давлатии ба номи Нигина Рауфова, конференсияи илмӣ- назариявии ноҳиявӣ бахшида ба 30-солагии Конститутсияи Ҷумҳурии Тоҷикистон ва Соли 2024 ҳамчун соли “Маърифати ҳуқуқӣ” баргузор шуд. Дар кори конференс Ҷунайдулло Каримзода муовини раиси ноҳия, Сафарбек Нурзода корманд МИҲД-и ноҳия, Меҳрон Абдуллозода намояндаи Суди ноҳия ва Маҳмалатиф Абдулҳайзода сармутахассис- ҳуқуқшиносӣ Дастгоҳи раиси ноҳия баромад карданд.Иброз гардид, ки таҷлили 30-солагии Конститутсияи Тоҷикистони соҳибистиқлол, ки шоҳсутун ва бахтномаи давлати Тоҷикистон ва давлатдории миллии тоҷикон маҳсуб мешавад, барои ҳар шаҳрванди ҷумҳурӣ рӯйдоди воқеан таърихӣ ва тақдирсоз мебошад.Мардуми тоҷик бо майлу иродаи худ бо роҳи раъйпурсии умумихалқӣ 30 сол муқаддам аввалин маротиба имконияти таърихӣ ва ҳуқуқии қабули бевоситаи санади волои миллиро амалӣ намуданд, ба шарофати он пойдевори давлати демократӣ, ҳуқуқбунёд ва дунявии тоҷикон таҳким ёфт.
Ҳукумати ҷумҳурӣ бо сиёсати хирадмандонаи Президенти Тоҷикистон муҳтарам Эмомалӣ Раҳмон баробари қабули Конститутсия дар асоси талаботи он фаъолият намуда, дар пешрафту рушди ҳаёти сиёсӣ, иқтисодӣ, иҷтимоию фарҳангии ҷомеа ва таъмини ҳуқуқу озодиҳои шаҳрвандон мунтазам иқдоми созандаро амалӣ менамояд.
Ҳамзамон, дар ҳамоиш гуфта шуд, ки Соли 2024 ҳамчун соли “Маърифати ҳуқуқӣ” эълон гардид, ки мақсад аз он баланд бардоштани сатҳи маърифати ҳуқуқии шаҳрвандон, тарғиби арзишҳои демократӣ, тарбияи шаҳрвандон дар руҳияи эҳтиром нисбат ба арзишҳои ҳуқуқӣ мебошад. Зеро мавҷудияти сатҳи баланди маърифати ҳуқуқӣ як навъ кафолати бунёди давлати соҳибихтиёр, демократӣ, ҳуқуқбунёд, дунявӣ, иҷтимоӣ ва ягона мебошад, ки дар он на танҳо ба арзишҳои ҳуқуқӣ, балки ба арзишҳои ахлоқӣ эҳтиром гузошта мешавад. Бояд гуфт, ки маърифати баланди ҳуқуқӣ – ин риояи бошууронаи меъёрҳои қонун ва итоат ба қонунро дар назар дорад. Маърифати баланди ҳуқуқӣ-асоси ҷомеаи демократӣ ва нишондиҳандаи камолоти системаи ҳуқуқӣ мебошад. Ин омилест, ки ба танзими тамоми равандҳои гуногуни зиндагӣ таъсири мусбат дорад, ки ба муттаҳидсозии шаҳрвандон нақши бориз гузошта, дар он тартиботро нигоҳ медорад.
Татбиқи имтиёзҳои андозӣ ба рушди ҳунарҳои мардумӣ барои ба бозорҳои ҷаҳонӣ баровардани маҳсулоти дастии ҳунармандон замина мугузорад.