«ТОҶИКОНА МЕПӮШЕМ!» Суратгузориш аз рафти тарғиби либоси миллӣ дар ноҳияи Файзобод
Дар доираи тадбирҳои омодагӣ ба Ҷашни байналмилалии Наврӯз бо мақсади арҷгузорӣ ба анъанаҳои миллӣ, баланд бардоштани ҳисси хештаншиносӣ, такмили эҳсоси ватандӯстиву худшиносии миллӣ, тарбияи ҳисси зебоипарастии занону духтарон, тарғиби либосҳои миллии мардумӣ, пешгирии тамоюлҳои бегонапарастӣ бо иштироки гулдухтарону занони ноҳия баҳри муаррифии либоси атлас, адрас, чакан ва дигар либосҳои миллӣ намоиши доир гардид. Занону гулдухтарон бо либосҳои миллӣ дар маркази ноҳия ва кӯчаву хиёбонҳои шаҳраку деҳоти он ба сайру гашт баромада, ба шаҳрвандон ва меҳмонони ноҳияи Файзобод либосҳои миллии тоҷиконаро муаррифӣ мекунанд. Дар чорабинӣ модарони рӯзгордида аз тарзи либоспӯшии занони тоҷик дар солҳои пеш қисса намуда, зикр доштанд, ки тоҷикон либоси худро дар ҳар давру замон маҳфуз дошта, ба эҳтирому эътибори халқҳои ҷаҳон сазовор гаштаанд”. Воқеан, имрӯзҳо баъзе занону духтарон на танҳо аз ҷаҳлу нодонӣ балки бо ҳадафу ниятҳои ғаразнок фарҳанги бегонаро тарғиб мекунанд. Тақлидкорӣ ба либосҳои ба фарҳангу маданияти мо бегона кори хуб нест, зеро бонувон асолати миллии худро аз даст медиҳанд. Бояд гуфт, ки чунин иқдом ҳамасола дар фасли Баҳор, арафаи Иди Наврӯз ва дигар иду ҷашнҳои миллӣ, аз ҷониби бахши занон ва оилаи Мақомоти иҷроияи ҳокимияти давлатии ноҳия пеш гирифта шуда, ҳадаф аз он муаррифии либоси миллӣ мебошад.
Татбиқи имтиёзҳои андозӣ ба рушди ҳунарҳои мардумӣ барои ба бозорҳои ҷаҳонӣ баровардани маҳсулоти дастии ҳунармандон замина мугузорад.